♦ أثناء تصوير فيلم المنسي مفيد فوزى عمل لقاء مع الفنان عادل امام وساله
مين منافس عادل امام الوحيد؟
✦ الرد كان غريب من عادل امام
قاله المنافس الوحيد ليا هو الزمن
ساعتها استغرب مفيد فوزى من الإجابة
ولكن يمر الزمن ويصبح عادل امام الان منسي من الجميع..
✦ قدم فيلم المنسي وأصبح الان منسي.. فى اشاعات قوية ان الفنان عادل امام مصاب بالزهايمر وأنه لا يتعرف حتى على أولاده..
✦ خصوصا ان ابو عادل امام تعرض لنفس المرض وده اللى قاله رامى أمام كشف المخرج رامي إمام عن مفاجأة تتعلق بجده الراحل محمد إمام،
✦ مؤكدا أنه توفى عام 1997 وعانى قبل وفاته من مرض الزهايمر ولم يكن يتذكر ابنه النجم عادل إمام ولا أحفاده، وابدى رامي ندمه لعدم وجود صور كثيرة تجمعه بجده، واشار إلى أن العائلة كلها ورثت خفة الدم عن الراحل…
✦ عادل امام قدم فيلم عن الزهايمر عام ٢٠١٠
هل الفيلم ده كان ذكرى وتكريم لوالده؟ محدش يعرف الغريب ان سعيد صالح كان بدا يعاني من مرض الزهايمر ومثل الدور بصدق واحساس واكنه كان بيقول لعادل أمام متنساش صديق عمرك..
✦ عادل امام بكا فى المشهد ده بكا حقيقي تذكر ولده لما راح له ومعرفوش واشفق على صديق عمره اللى خلاص ابتدا ينسا … عادل امام فيه ميزة حلوة انه وفى لاصدقائه لما عرف بالحالة الصحية ليونس شلبي جابه فى فيلم امير الظلام يعمل دور الحكم…
✦ عادل امام ساعد يونس شلبي فى فرحه لما عرف انه عامل فرح على الضيق صمم انه يكون فرح كبير وجه هو وكل أصدقائه الفنانين وقفوا جنبه… عادل امام خد شهرة لم يصل اليها فنان مصرى لا فى الماضي ولا الحاضر..
✦ عمر الشريف كان ممثل عالمى ولكن عادل امام كان بيتعامل كالرئيس عندما يسافر اى بلد عربي… الوطن العربي كله بيحبه وبيحب أفلامه… اتذكر لما فيلم له كان بينزل فى العيد كانت السينما بالضرب للى يقدر يجيب تذكرة لعادل أمام..
✦ شهرة عادل امام زى امتاب باتشان فى الهند أسطورة من الأساطير… عادل امام اذكى فنان ممكن يكون أقل موهبة من احمد زكى واقل اضحاكا من سعيد صالح ولكنه أكثر ذكاء من الجميع عارف امتى يغير جلده وامتى يتوقف امتى يقدم كوميدي وامتى يقدم اكشن.. امتى يخرج من عباءة الشاب ويقدم الاب وحتى الجد.. عشان كده استمر
✦ هو الفنان الوحيد اللي نجح نجاح رهيب فى السينما والمسرح والتليفزيون وحتى الإذاعة لما قدم مسلسل مع عبد الحليم حافظ…
عاوز تعرف موهبة عادل امام اتفرج على فيلم المولد لما بيحضن امينه رزق ويقول اه ياما… مشهد يستحق الأوسكار…
✦ عادل امام من الفنانين اللى بيحافظ على مجموعة العمل هتلاقى معظم اعماله احمد راتب ورجاء الجداوى ويوسف دواد ومصطفى متولى ويسرا وغيرهم…
✦ ناس كتير متعرفش ان الفنان عمر الشريف خد محمد رمضان وراح لعادل أمام عشان يرشحه فى فيلم حسن ومرقص ولكن الفنان عادل امام طرد محمد رمضان ولم يقتنع بموهبته وده سبب لمحمد رمضان عقدة نقص وبقا يقول ان نمبرون
وصمم يعمل مسرحيته على مسرح الزعيم وكان في كل لقاء يلمح ان مسلسلاته احسن من مسلسلات عادل امام…
✦ مش محمد رمضان بس طلعت زكريا خرج فى لقاء وقال ده مش زعيم ده دكتاتور وانا مش هشتغل معاه تانى ونفس الأمر للفنان رضا حامد والفنان احمد عيد اللى اتقال انه اهانه في مسلسل لما قال افيه من دماغه وقاله متشغلش دماغك تانى…
✦ يمكن الوحيد اللى مسرحياته اتعرضت سنين طويلة ولفت العالم.. اول فنان مسرحيته تتعرض في السينما..
✦ عادل امام الفنان الوحيد اللي كان في معظم أفلامه بيحذر من رجال الدين وعلى طول بيظهرهم بصورة سيئة لغاية ما قدم فيلم الإرهابى وكان معروف انه رجل الحكومة ولما حصلت فتنه قدم حسن ومرقص بتكليف من الحكومه…
✦ عادل امام الان وحيد حزين ومريض
لا فى أضواء ولا كاميرات ولا نجومية
فقط شيخ كبير ينتظر نهاية العمر
اللى كسر عادل امام الزمن
منافسه كان الزمن وقد تغلب عليه منافسه
وأصبح الفنان عادل امام حبيس الفراش
ياترى فين جمهور الفنان عادل امام
وايه اكتر عمل بتحبه له
عن مجلةالاذاعةوالتلفزيون
